domenica 14 settembre 2008





'a sfurtunata trigghia

poesie in dialetto siciliano di Lorenzo M. D'Acquisto

collana POETAGS

Euro 2,00

.

.

.

.

‘Na matri ascutava seria la so figghia
ca runguliava essiri sfurtunata trigghia

Havìa nasciùtu pi sorti r’idda naturali
‘nta lu funnu ri fangu e ci pareva mali.

‘Mmiriava la cucina ri li scogghi
ca ri russu culuri havìa li spaddi

vuleva essiri com’a chidda culurata
mentre ca idda pareva ‘na malata.

‘A matri pi cunsularla ci ripitìa:
“Ognunu ‘nta lu mari havi la sò via,

lu tò culuri chiaru e pagghiarinu
‘un è marvaggiu, anzi è propriu finu”.

“ ‘Un mi piace sta pedde sculuruta
- chianceva la nica trigghia ‘nculurata –

haju a stari comu ‘na vecchia attrivìta?
O mi la canciati o jeccu la me vita!”

Nessun commento: